
Ni yw Tîm Cymru
Pobl, tirwedd, uchelgais.
Mae ein stori ni’n ymwneud â gobaith, breuddwydion ac uchelgeisiau pawb ledled Cymru gyfan. O’r bryniau i’r arfordir, a’r holl dir yn y canol.
Mae ein pobl ni’n ymdrechu i symud ymlaen, gan osod sylfaen o gynaliadwyedd a chynhwysiant, gyda’u llwyddiant yn y pen draw ar lwyfan y byd yn cael mwy fyth o effaith gartref, a thu hwnt i ffiniau Cymru.
Lawrlwythwch strategaeth Tîm Cymru yma.
Un Tîm. Un Gymuned.
Cymru’n Un.
Blaenoriaethau Strategol
Cefnogi amgylchedd Gemau sy’n canolbwyntio ar yr athletwyr ac sy’n galluogi pawb i gyflawni eu llawn botensial.
Defnyddio pŵer chwaraeon, bod yn gatalydd ar gyfer gwelliant cymdeithasol yng Nghymru ac ar draws y Gymanwlad.
Datblygu Tîm Cymru cynhwysol, cynaliadwy a llwyddiannus.
Dathlu ein gwaddol ac ysbrydoli cenedlaethau’r dyfodol.
Ein Gwerthoedd
Rhagoriaeth.
Ymdrechu am ragoriaeth ym mhob agwedd ar y tîm, o berfformiad yr athletwyr i weithrediadau sefydliadol. Mae arferion cynaliadwy yn hanfodol i gyflawni’r safonau uchaf yn gyffredinol, gan ddangos bod Tîm Cymru nid yn unig yn rhagori wrth berfformio ond hefyd mewn gweithrediadau cyfrifol sy’n ymwybodol o’r amgylchedd.


Ysbrydoliaeth.
Ysbrydoli a chymell cenedlaethau’r dyfodol o athletwyr, cefnogwyr a chymunedau ledled Cymru. Ymdrechu i gael effaith gadarnhaol ar gymdeithas, nid yn unig mewn chwaraeon ond hefyd drwy fentrau gwella cymdeithasol.
Cynhwysiant.
Mae meithrin cynhwysiant unigolion, timau a chymunedau wir yn creu ymdeimlad o gydweithredu, cefnogaeth a chymuned. Yn ei dro, bydd hyn yn sicrhau effeithiau parhaol a chadarnhaol ar ein cymdeithas ni, yn ogystal â sicrhau lles Tîm Cymru a’r grŵp amrywiol o bobl rydym yn anelu at eu hysbrydoli.

Tîm Cymru Cenhadaeth a Gweledigaeth
Duke Al Durham, Poet
Our story is about the hope, dreams and ambitions of all people across all of Wales. From the hills to the coast, and all land in between.
